新加坡民丹島馬來西亞新山Legoland Day 2

今日係去新加坡universal 的日子，之前去過大阪的universal，實在是印象難忘，最懷念的就是
4D蜘蛛俠，真係超好玩。新加坡都有類似蜘蛛俠的4D機動遊戲，就係Transformer，所以入場前
都好期待的。

之前己經上網用master card 買左飛，好似係平S$8，都好啦，上網買完print返張eticket出來就得。
由於我們住的酒店鄰近Harbourfront Station，即是很近Vivo City怡豐城，搭Sentosa Express真係
好近。我和老公先係Vivo City的麥當勞買早餐食，食完之後，先搭Express，Express fees係S$3.5，
總之買一次飛，之後唔駛再買，可以任搭。好快，怡豐城的站叫Sentosa Station，而universal就係
下一個站叫HarbourFront Station濱海站，沿途入聖淘沙的風景都不錯。

落Express後便在地球大地標影相先，影完就入場，用返自己print的A4紙門券便可進場。

入到去先係紐約及Hollywood，這區係影相區，沒有什麼特別野玩。最開心係可以同功夫熊貓
影到相，好開心呀。

之後我地就繼續行，Yeah，Sci Fi City見到Transformer喇，梗係入去玩啦！

睇門口冇人排緊以為好好彩冇咩人玩，點知係大錯特錯，由門口到真正排隊預備玩係好長
的一段路，搵到龍尾，排左半個鐘多少少就玩到，係幾好玩，但對比蜘蛛俠就真係差好遠。

可能因為Transformer畫面太光，唔夠刺激。玩完Transformer同d機械人影下相，又行了。

我和老公沒有玩紅藍過山車，藍色係吊腳的，好刺激，每次玩的人都會叫得好大聲，好恐怖。

而且要玩仲要去用S$2 for 半個鐘鎖起自己D野，嘩，排多左時間咪要再用多d錢，好貴呀！
另外個黃光加速轉的Accelerator，怕轉到頭暈，所以都係無玩到。

到左古埃及，和埃及妖后同高腳人合照，沒有玩木乃伊復仇記的過山車，

因為又係要鎖野，玩左尋寶奇兵，坐下車到看下景咁。

到Lost World了，都大阪一樣好多恐龍呀。

濕身的侏羅紀河流探險，一樣係冇玩到，怕濕身，不過濕左可以用S$5乾風機吹返乾。

超識搵錢，在這個園區玩了Canopy Flyer，都飛得ok快，幾好玩。由於在大阪已看過
Water World，所以冇係新加坡再睇。

遙遠王國，玩左Sherk 4D影院，都幾好玩，俾d蜘蛛嚇親，

仲有玩左小飛龍過山車，係for小朋友的過山車，都ok的。係園內我們玩左唯一的過山車。

之後去左馬達加斯加，玩左木箱漂流記，ok華麗的。

最後返回紐約區看返個電影特效片場，睇下暴風效果下的船廠。都ok好睇的。再拍拍照都
4時多了。還有附送的海事博物館門券未用，唯有等下次有機會先再去啦。

離開環球影城，回酒店拎返行李，搭的士去丹娜美拉碼頭搭船過民丹島了。搭了S$16
左右，到了到船公司Check in 拎boarding pass再寄行李，寄完就填入境表，填完就去
食dinner，食左海南雞脾飯及叻沙。

搭8點鐘船，全程我都睡著了，40多分鐘便到了，下船，民丹島都是8時，比新加坡慢
1小時，酒店的旅遊巴接我們，我們今晚住的是Mayang Sari Beach Resort，係獨立木屋，
來到感覺很舒適，很Free，一出酒店門口便是沙灘了，勁爽呀。